Советот на странски инвеститори и економскиот тим на Владата, предводен од Премиерот г-дин Христијан Мицкоски, на 16.12.2024 го одржаа вториот заеднички состанок. Во присуство на претставници на 40-тина компании со странски капитал кои работат во земјава, претставници од Владата и неколку државни институции, се разговараше за:

• Вклученост на Советот на странски инвеститори и Стопанската комора при конципирање на законската регулатива
• Намалување на царинските стапки
• Закон за минимален глобален данок и негово усогласување со Законот за ТИРЗ
• Дигитализација и олеснување на постапките за дозволи за работа и престој за странци
• Изработка на ново упатство за оправдани инвестициски трошоци
• Минимални плати
• Недела неработен ден
• Можности за користење на новите поволни кредити
• Можности за воспоставување на ефикасен Aftercare систем за странските инвеститори

Дискусиите и предлозите се во насока на конкретни подобрувања на бизнис климата во државата и зголемување на конкурентноста и успешна работа на постојните инвеститори, како и привлекување нови странски инвестиции.

Следниот заеднички состанок на Совет на странски инвеститори и Владата е закажан за март 2025 година.